သျှမ်းပြည်အမျိုးသားနေ့မရှိလျှင် ပြည်ထောင်စုနေ့ရှိမည်မဟုတ်
‘သျှမ်းပြည်အမျိုးသားနေ့မရှိလျှင် ပြည်ထောင်စုနေ့မရှိနိုင်’- ဟု သျှမ်းပြည်တပ်မတော်လွယ်တိုင်းလျဲန်း ဌာန ချုပ်၌ ကျင်းပသည့် ၆၃ နှစ်မြောက် သျှမ်းပြည်အမျိုးသားနေ့ ဂုဏ်ြုပပွဲတွင် သျှမ်းခေါင်းဆောင်တဦးက မိန့်ခွန်းချွေခဲ့သည် ဟုဆိုသည်။
SSA ဌာနချုပ် လွယ်တိုင်းလျန်း သျှမ်းပြည်အမျိုးသားနေ့ ( taifreedom)
“SSC Shan State Congress ဥက္ကဌ ဦးဂျပိုးလုံက သဘာပတိလုပ်တယ် မိန့်ခွန်းချွေတယ်။ လားဟူအမျိုးသား အမျိုးသမီး နှစ်ဦးလဲ လားဟူဘာသာနဲ့ ပြောသွားတယ်။ ပြည်ထဲရေးဌာန တာဝန်ခံ ဒု - ဗိုလ်မှူးကြီးပေါင်ခေး ကတော့သျှမ်းပြည် အမျိုးသားနေ့သမိုင်းနဲ့ပတ်သက်ပြီး - သျှမ်းပြည်အမျိုးသားနေ့မရှိရင် ပြည်ထောင်စုနေ့ မရှိမှာမဟုတ်ဘူး၊ ဖေဖေါ်ဝါရီ ၁၂ ရက် ပြည်ထောင်စုနေ့မရှိရင်လဲ ဂျန္ဖ၀ါရီ ၄ ရက် လွတ်လပ်ရေးနေ့ရှိမှာ မဟုတ်ဘူး - လို့ပြောသွားတယ်” - ဟု ပွဲတက် ရောက်သူတဦးက ပြန်လည်ပြောပြသည်။
မန္တလေးတက္ကသိုလ် သျှမ်းစာပေယဉ်ကျေးမှုကော်မတီ သျှမ်းပြည်အမျိုးသားနေ့ (Yung Hkio)
“သျှမ်းပြည်အမျိုးသားနေ့ သန္ဓေတည်လို့ ပြည်ထောင်စုနေ့ ဖြစ်လာတယ်လို့ပြောလို့ရတယ်။ ပင်လုံစာချုပ် ချုပ်ရတဲ့ အကြောင်းရင်းကလဲ သျှမ်းပြည်နဲ့ ဗမာပြည် သီးခြားတည်ရှိခဲ့ပါဘဲ။” - ဟု ဒု - ဗိုလ်မှူးကြီးပေါင်ခေး က ပြောကြားသည်ဟု ဆိုသည်။
“နိုင်ငံခြားရောက် သျှမ်းပြည်သားတွေက သျှမ်းပြည်အမျိုးသားနေ့အကြောင်း လွတ်လွတ်လပ်လပ် ဆွေးနွေးဖလှယ် နိုင်ကြတယ်။ ပြည်တွင်းမှာတော့ အဆင်ပြေသလိုဘဲ လုပ်ကြတယ်။ သျှမ်းပြည်တိုင်းရင်းသားတွေရဲ့ ရင်ထဲမှာ အဲနေ့ဟာ ဘာနေ့လဲဆိုတာ မေ့မထားပါဘူး” - ဟု ထိုင်းရောက် ရန်ကုန်သျှမ်းစာပေယဉ်ကျေးမှု အသင်းသားတဦး ကသျှမ်းသံ တော်ဆင့်သို့ ပြော၏။
ဂျပန် သျှမ်းစာပေယဉ်ကျေးမှုကော်မတီ သျှမ်းပြည်အမျိုးသားနေ့ (AFP)
0 comments:
Post a Comment