ဒေါ်ခင်မမမျိုး မြန်မာ့ပဲတင်သံမှကူးယူဖော်ပြပါသည်
အခုတလော တီဗီ သတင်းတွေမှာပြဲဖစ်ဖြစ်၊ ရေဒီယိုမှာပဲဖြစ်ဖြစ်၊ တက္ကသိုလ်ကောရီဒါတွေမှာပဲဖြစ်ဖြစ်ကြားနေရတတ်တဲ့ စကားလုံးလေးတခုရှိပါတယ်။ မြူးနစ်စာချုပ် ဆိုတာပါပဲ။ ဒါနဲ့အတူတွဲပြီးနာမည်ကြီးနေတာကတော့ တချိန်က ဗြိတိန်ဝန်ကြီးချုပ်ဟောင်း ချန်ဘာလိန်အကြောင်းပါပဲ။ ချန်ဘာလိန်မှားတယ်၊ မှန်တယ်နဲ့ ငြင်းခုန်နေကြတဲ့ အသံတွေကနေရာအနှံ့ပါပဲ။ ဒီဖြစ်ရပ်တွေနဲ့ အဓိက
ဆက်စပ်နေတဲ့ strategic doctrine အကြောင်း ရေးသားတင်ပြချင်ပါတယ်။
မြူးနစ်နှင့် ချန်ဘာလိန်
ချိန်ဘာလိန်အကြောင်းမပြောခင် ဟိုလွန်ခဲ့တဲ့ နှစ်ပေါင်းခုနစ်ဆယ်တိတိက ယခုလို အပတ်ထဲ၊ အတိအကျဆိုရရင်တော့ (၁၉၃၈) ခု၊ စက်တင်ဘာ (၂၉) ရက်နေ့မှာ ချုပ်ဆိုခဲ့တဲ့ မြူးနစ်စာချုပ်လေးအကြောင်း အရင်ကြည့်ကြရအောင်ပါ။ (၁၉၃၈)ခု၊ စက်တင်ဘာလက
ဗြိတိသျှဝန်ကြီးချုပ်ချန်ဘာလိန်နဲ့ ဂျာမန်ခေါင်းဆောင်ကြီး ဟစ်တလာတို့ Gerchtesgaden မှာတွေ့ ဆုံခ့ပဲါတယ်။ အဒဲီမှာ ဟစ်တလာက ဂျာမနီရဲ့ Sudetenland ကို သိမ်းပိုက်ဖို့အစီအစဉ်ကိုဗြိတိန်က မထောက်ခံရင် ချက်ကိုစလိုဗက်ကီးယားကို ကျူးကျော်မယ်လို့ ချန်ဘာလိန်ကိုခြိမ်းချောက်ခ့ပဲါတယ်။ ဒီဖြစ်ရပ်ကို ချန်ဘာလိန်က ပြင်သစ်၊ ချက်ကိုစလိုဗက်ကီးယားနဲ့ ဆွေးနွေးပြီးတဲ့အခါ ဒီကိစ္စဟာလက်ခံနိုင်ဖွယ်ရာမရှိဘူးလို့ အကြောင်းပြန်ခဲ့ပါတယ်။ ဒီအခါမှာ ခေါင်းဆောင်ကြီးဟစ်တလာအတွက်အကျပ်ရိုက်သွားပါလေရော။ ဗြိတိန်နဲ့ပြင်သစ်ဟာ စစ်မဖြစ်ချင်ဘူးဆိုတာကိုလဲသူကသိထားပြန်လေတယ်။ ပြီးတော့ သူတွက်ဆထားလိုက်တာက ဒီနှစ်နိုင်ငံကတော့ဆိုဗီယက်ယူနီယံနဲ့ ပူးပေါင်းမှာ မဟုတ်ဘူးပေါ့။
ဒီလိုအခြေအနေမှာ ၀င်ပြီး အကြံပေးလုပ်သူကတော့ အီတလီဖက်ဆစ်ခေါင်းဆောင်ကြီး မူဆိုလိုနီပါပဲ။ သူကဒီပြဿနာကို ဖြေရှင်းဖို့အကောင်းဆုံးနည်းလမ်းက ဂျာမနီ၊ ပြင်သစ်၊ အီတလီ၊ ဗြိတိန်နိုင်ငံတွေအနေနဲ့ ကွန်ဖရင့်တခုကျင်းပဖို့ပဲ ဆိုပြီး အကြံပေးတယ်။ ဟစ်တလာကမူဆိုလိုနီစကားကို နေရာတော်တော်များများကို နားထောင်တာတွေ့ရတယ်။ အခုဒီကိစ္စမှာလဲသူကနားထောင်တာပဲ။
ဒီလိုနဲ့ ၁၉၃၈၊ စက်တင်ဘာလ (၂၉) ရက်မှာ မြူးနစ်စာချုပ်ကြီး ပေါ်ပေါက်လာတော့တယ်။ စာချုပ်အရချန်ဘာလိန်နဲ့ ပြင်သစ် Daladier တို့က ဂျာမနီဟာ Sudetenland ကိုသိမ်းပိုက်နိုင်ကြောင်း၊ သဘောတူညီခြဲ့ကတယ်။ အပြန်အလှန်အနေနဲ့ ဥရောပထဲမှာ နောက်ထပ် နယ်မြေတောင်းဆိုမှုတွေမလုပ်ဖို့ ဟစ်တလာကလဲ ကတိပေးခဲ့တယ်။ ချက်ကိုစလိုဗက်ကီးယားက ထကန့်ကွက်တော့ချန်ဘာလိန်က ဗြိတိန်ဟာ Sudetenland အတွက်နဲ့ စစ်အဖြစ်ခံမှာ မဟုတ်ဘူးလို့ ဆိုခဲ့တယ်။ အဲဒီအထိတုန်းကတော့ အကောင်းပဲ။ သူ့ကိုလဲ စစ်ကိုရှောင်နိုင်တယ်ဆိုပြီး တချို့ကောင်းချီးသြဘာတွေပေးလို့။
အဲ- သိပ်မကြာပါဘူး။ ၁၉၃၉၊ မတ်လလဲရောက်ရော၊ ဂျာမန်စစ်တပ်ကြီးက ချက်ကိုစလိုဗက်ကီးယားကို သိမ်းလိုက်ပါလေရော။ နောက်များမကြာမီ ဒုတိယကမ္ဘာစစ်ကြီးလဲ ဖြစ်လာပါရော။ ဒီတော့မှချန်ဘာလိန်ဟာ ဟစ်တလာက မယုံရဘူးဆိုတာသိသွားပြီး၊ သူ့ရဲ့ appeasement ပေါ်လစီမှားသွားတယ်ဆိုတာ သိပါလေရောတဲ့။ လူအများက ချန်ဘာလိန်ကိုဝိုင်းအပြစ်တင်ကြပါလေရော။
ဟိုတချိန်တုန်းကတော့ ဒီဖြစ်ရပ်ကြားပြောကြတိုင်း ကျွန်မလဲ အပြစ်တင်တာပဲ။ ဗြိတိသျှဝန်ကြီးချုပ်ကြီးဖြစ်ပြီး ဒီလောက်တောင်ပဲ အယုံလွယ်ရလားလို့။ အဲ- စစ်မဟာဗျူဟာလေ့လာရေးနဲ့ အပြည်ပြည်ဆိုင်ရာလုံခြုံရေး ကျောင်းသူဖြစ်လာပြီး၊ strategic doctrine ကို လေ့လာပြီးတ့အဲ ခါကျတော့ ကျန်ွမချန်ဘာလိန်ကို နားလည်မှုရှိသွားတယ်။ သူမှန်တယ်၊ မှားတယ် ဆိုတာကို မပြောချင်တော့ပေမယ့် သူဒီလိုဆုံးဖြတ်ချက်ချရတဲ့အကြောင်းဟာ ဘာကြောင့်ဆိုတာကို သတိထားမိသွားတာကြောင့်ပါ။ အဲဒီအချိန်ဗြိတိန်နိုင်ငံရဲ့ နိုင်ငံတော်လုံခြုံရေး၊ စစ်ရေး၊ နိုင်ငံခြားရေးမူဝါဒတွေအပေါ်မှာ သက်ရောက်မှုရှိနေတဲ့ strategic doctrine က offensive strategy မဟုတ်ပဲ defensive strategy ဖြစ်နေတာကြောင့်ပါပဲ။ အဲဒီလိုအချိန်မှာ ဟစ်တလာကို ထိပ်တိုက်ရင်ဆိုင်လိုက်ရင် အားနည်းချက်တွေရှိနေသေးတာကို တွက်ဆပြီး ဒီဆုံးဖြတ်ချက်ကို သူချခ့တဲာပြဲဖစ်ပါတယ်။ နိုင်ငံတခုမှာပြဲဖစ်ဖြစ်၊ အဖွဲ့အစည်းတခုမှာပဲဖြစ်ဖြစ် strategic doctrine ရှိရပါတယ်။ ဒီလိုရှိမှလဲ မှန်ကန်တဲ့ နည်းဗျူဟာတွေကို ဆက်လက်ချမှတ်နိုင်မှာပါ။ စစ်အေးကာလအတွင်းက နေတိုးရဲ့ strategic doctrine ကို ဆက်ပြီး ကြည့်ကြရအောင်ပါ။ နေတုိး နငှ့် 'flexible response' strategic doctrine နေတိုးလို့ လူအများအတိုကောက်ခေါ်လေ့ရှိတဲ့ North Atlantic Treaty Organizations (NATO) ဆိုတာဟာ ၁၉၄၉ခု၊ အေပြီလ (၄) ရက်နေ့မှာ ချုပ်ဆိုခဲ့တဲ့ North Atlantic Treaty ပါရည်မှန်းချက်တွေကို အကောင်အထည်ဖော်နေတဲ့ alliance organization တရပ်ပါ။ စစ်အေးကာလအတွင်းမှာ နေတိုးရဲ့ အခန်းကဏ္ဍက တော်တော်ကြီးမားခဲ့ပါတယ်။ ဒီအချိန်တုန်းက နေတိုးကျင့်သုံးခ့တဲ့ဲ strategic doctrine က flexible response ဖြစ်ပါတယ်။ ဒီ doctrine ကိုအဆင့်သုံးဆင့်နဲ့ ရေးဆွဲထားပါတယ်။ နယူးကလီးယားလက်နက်တွေရှိတာနဲ့တင်ချက်ချင်းကာရော စစ်ဖြစ်တာနဲ့ နယူးကလီးယားလက်နက် သုံးစွဲမယ်ဆိုတာမျိုးမဟုတ်ပါဘူး။ သုံးသင့်တဲ့အဆင့်ရောက်မှ သုံးမှာ ဖြစ်ပါတယ်။ အဲဒီမှာ ပထမအဆင့်က direct defense ပါ။ ဆိုဗီယက်က နယူးကလီးယားလက်နက်မသုံးပဲ conventional forces တွေပဲ သုံးပြီး တိုက်ခိုက်လာခဲ့ရင်ဒီလိုအလားတူ တပ်တွေနဲ့ပဲ ပြန်လည်တိုက်ခိုက်တာပါ။ ဥပမာ- ဆိုဗီယက်တပ်တွေ အနောက်ဂျာမနီကိုကျူးကျော်လာခ့ရဲ င် နေတိုးတပ်တေမွှ ပြန်လည်ခုခံတိုက်ခိုက်ခြင်းပါ။ဒီအဆင့်မှာမှ မရတော့ဘူးဆိုရင်တော့ ဒုတိယအဆင့်ဖြစ်တဲ့ Deliberate Escalation အဆင့်ကိုရောက်ပါမယ်။ ဒီအဆင့်ကတော့ အကယ်၍များ ဆိုဗီယက်တပ်များက နေတိုးတပ်များကို ချေမှုန်းနိုင်တဲ့သွင်ပြင်ရှိနေမယ်ဆိုရင် နယူးကလီးယား လက်နက်အနည်းငယ်ကို အကန့်အသတ်နဲ့သုံးတဲ့အဆင့်မျိုးပါ။ တတိယအဆင့်ကတော့ ကြောက်စရာအကောင်းဆုံးပါပဲ။ General nuclear response ပါ။ အလုံးစုံသော ချေမှုန်းရေးပါပဲ။ mutual assured destruction scenario နဲ့အနည်းနဲ့အများဆက်စပ်နေပါတယ်။
ဒီနေရာမှာ စစ်အေးကာလမှာ အမေရိကန်ပြည်တောင်စု ကျင့်သုံးခဲ့တဲ့ containment ဆိုတဲ့ ပေါ်လစီအကြောင်း အနည်းငယ်တင်ပြချင်ပါတယ်။ ဒီပေါ်လစီက ဒုတိယကမ္ဘာစစ်ကာလအပြီးမှာ ဆိုဗီယက်ရဲ့နိုင်ငံရေးထိန်းချုပ်မှုအောက်ကို ကျရောက်သွားသော နိုင်ငံများရဲ့ ဒိုမီနို သက်ရောက်မှုကို ရပ်တန့်ဖို့ပေါ်ပေါက်လာခဲ့တဲ့ ပေါ်လစီဖြစ်ပါတယ်။ ဒီပေါ်လစီရဲ့ အခြေခံကို George Cannanဆိုတ့အဲ မေရိကန်သံတမန်တယောက်က စတင်ခဲ့တာဖြစ်ပါတယ်။ ဒီပေါ်လစီက Negotiation နဲ့compromise ကိုအခြေခံတဲ့ appeasement ပေါ်လစီနဲ့ အမြစ်လှန်ချေမှုန်းရေးကို အခြေခံတဲ့ rollback ပေါ်လစီကြားမှာ ရှိတဲ့ ပေါ်လစီဖြစ်ပါတယ်။ အလုံးစုံချေမှုန်းရေးအထိ ဆက်မသွားပဲ နေရာတခုမှာပင် ရပ်နေလိုက်ခြင်းမျိုးဖြစ်ပါတယ်။ ၁၉၆၄ တုန်းက အမေရိကန်ပြည်ထောင်စုမှာ republican candidate, Barry Goldwater က ဘာကြောင့် အနိုင်မတိုက်တာလဲ လို့ containment ပေါ်လစီကို challenge လုပ်တော့ ဒီမိုကရက်တစ် candidate, President Johnston က အနိုင်တိုက်ဖို့လုပ်လိုက်ရင်နယူးကလီးယားစစ်ပွဲကို risk လုပ်လိုက်သလိုဖြစ်မှာပေါ့လို့ဖြေခဲ့ဖူးပါတယ်။ ဒါကြောင့်လဲဗီယက်နမ်စစ်ပွဲကာလမှာ လာအိုထိဝင်ရောက်ပြီး ထောက်ပံ့ရေးလမ်းကြောင်းဖြတ်ဖို့ဗိုလ်ချုပ်တယောက်ရဲ့ပရိုပိုဆာကို အမေရိကန်သ္မတက ပယ်ချခဲ့တာဖြစ်ပါတယ်။ ဒီပေါ်လစီကနိုင်ငံခြားရေးပေါ်လစီဆိုပေမယ့် နိုင်ငံတွင်းပဋ္ဋိပက္ခများမှာလဲ အသုံးပြုတတ်ကြပါတယ်။ စစ်အေးကာလတလျှောက်မှာ နေတိုးက flexible response doctrine ကို ကျင့်သုံးပြီး၊ defensiveအနေနဲ့ ပဲ နေခဲ့ပါတယ်။ အဲ- စစ်အေးကာလပြီး နောက်ပိုင်းမှာတော့ နေတိုးလဲ offensive strategy ကိုကျင့်သုံးလာပါတယ်။ ဥပမာ- ၁၉၉၅ မှာဖြစ်ခဲ့တဲ့ ဘော့စနီးယား၊ ဟာဇီဂိုးဗီးနား ဗုံးကျဲမှု (code name-Operation Deliberate Force) ၊ ၁၉၉၉ မှာ ဖြစ်ခဲ့တဲ့ ယူဂိုဆလားဗီးယား ဗုံးကျဲမှု (code name-Operation Allied Force) စတာတွေပါ။ ဒီအပိုင်းတွေနဲ့ကတော့ Humanitarian Intervention နဲ့ပတ်သက်တာမို့ အသေးစိတ်ကို နောက်ဆောင်းပါးများမှာ ဖော်ပြပေးပါမယ်။ ဘာပဲဖြစ်ဖြစ် စစ်အေးကာလပြီးနောက်ပိုင်းမှာ အနောက်နိုင်ငံများ (အထူးသဖြင့် အမေရိကန်နိုင်ငံ)ရဲ့ strategic doctrine က Preemptive strategy ကို ဦးစားပေးလာပါတယ်။ အမေရိကန်ပြည်ထောင်စုနှင့် Preemptive Strategic Doctrine Preemptive doctrine ဆိုတာက ရန်သူက ကိုယ့်ကိုလာမတိုက်မီ ကိုယ်က ရန်သူကို ဦးအောင်ချေမှုန်းရမယ်ဆိုတဲ့ သဘောတရားအပေါ်မှာ အခြေခံထားပါတယ်။ ဒါပေမယ့်မည်းမည်းမြင်တိုင်းရန်သူဆိုပြီး တိုက်ချင်တိုင်းလိုက်တိုက်နေလို့တော့ မရပါဘူး။ တဘက်ကနေလုံလောက်တဲ့ ခြိမ်းချောက်မှု အတိုင်းအတာ ရှိနေမှ တိုက်လို့ ရတာမျိုးဖြစ်ပါတယ်။ ဥပမာ- ခြောက်ရက်ကြာစစ်ပလွဲို့ နာမည်ကြီးခ့တဲ့ဲ ၁၉၆၇ခုနှစ်၊ အာရပ်-အစ္စရေးစစ်ပွဲဟာ Preemptive စစ်ပွဲဖြစ်ပါတယ်။ ဒီတုန်းက အီဂျစ်သမ္မတနာဆာဟာ ကုလသမ္မဂ္ဂအရေးပေါ်တပ်တွေကို ဖယ်ရှားပြီး၊ထောင်ပေါင်းချီတ့တဲ င့်ကားတေ၊ွ သိန်းချီနေတဲ့ စစ်သားတွေကို အစ္စရေးနယ်စပ်အနီးကိုစေလွှတ်ခ့ပဲါတယ်။ ဒါကြောင့် အစ္စရေးက သူ့နိုင်ငံတော်လုံခြုံရေးအတွက် Preemptive war ကိုစတင်ဆင်နွဲခဲ့ပါတယ်။
ဒါပေမယ့် Preemptive strategic doctrine ကို တချို့က Preventive strategic doctrine နဲ့မှားတတ်ကြပါတယ်။ Preventive strategic doctrine ကကျတော့ ရန်သူဘက်က ခြိမ်းချောက်မှုအတိုင်းအတာ မပေါ်လွင်သေးပဲ ရန်သူကိုစတင် တိုက်ခိုက်တာဖြစ်ပါတယ်။ Future threat လို့ဆိုပေမယ့် နိုင်ငံတကာဥပဒေများနဲ့ ကမ္ဘာ့လူထုက ဒါကို လက်မခံကြပါဘူး။ အမေရိကန်နဲ့မဟာမိတ်တပ်များ အာဖဂန်နစ်စတန်နိုင်ငံကို တိုက်ခိုက်မှုအပေါ်မှာ ကန့်ကွက်သံများမကြားရပေမယ့်အမေရိကန်နဲ့ ဗြိတိန်နိုင်ငံတို့ရဲ့ ၂၀၀၃ ခုနှစ် အီရတ်နိုင်ငံတိုက်ခိုက်မှုမှာကျတော့ကန့်ကွက်သံများထွက်လာကြပါတယ်။ အာဖဂန်နစ်စတန်ကိစ္စမှာ Preemptive strategic doctrine ကိုသုံးထားပေမယ့် အီရတ်ကိစ္စမှာကျတော့ ဘွတ်ခ်ျအုပ်ချုပ်ရေးက Preemptive လို့ဆိုပေမယ့် Preventive လို့ ယူဆသူများက အများအပြားပေါ်ထွက်နေပါတယ်။ ဘာပဲဖြစ်ဖြစ် စစ်ပွဲတခုကို justified လုပ်ရတာဟာ အခက်ခဲဆုံး ကိစ္စတခုပဲဖြစ်ပါတယ်။ ပညာရှင်များကတော့ debate တွေဆက်လုပ်နေကြဆဲပါပဲ။
အဓိကပြောလိုတ့အဲ ကြောင်းအရာကတော့ နိုင်ငံရေး၊ စစ်ရေး၊ နိုင်ငံခြားရေးဆိုင်ရာများကို အဓိကလွှမ်းမိုးသက်ရောက်နေတဲ့ strategic doctrine ရဲ့ အရေးပါမှုကိုပဲဖြစ်ပါတယ်။ strategic doctrine ဟာနိုင်ငံတကာရေးရာများနဲ့ နိုင်ငံတရပ်အတွက်သာမက အဖွဲ့အစည်းများအတွက်ပါ အရေးကြီးပါတယ်။ အဖွဲ့အစည်းတခုအနေနဲ့ ကိုယ့်ရင်ဆိုင်ဆင်နွှဲနေတဲ့ စစ်မျက်နှာအသီးသီးအတွက် strategic doctrine လိုအပ်ပါတယ်။ ကိုယ်နဲ့ရင်ဆိုင်ရမယ့် ရန်သူရဲ့ ကိုယ့်ကို မဟာမိတ်ပြုနေတဲ့တိုင်းပြည်အဖွဲ့အစည်းများရဲ့strategic doctrine ကို သေချာသိရှိနားလည်ဖို့လိုအပ်လှပါတယ်။လက်ရှိမြန်မာအရေးနှင့် strategic doctrine
ကျွန်မအမြင်ကိုပြောရရင် ကျွန်မတို့မြန်မာ့နိုင်ငံရေးရဲ့ ဦးဆောင်ပါတီတရပ်ဖြစ်တဲ့ အန်အင်ဒီပါတီရဲ့Strategic Doctrine က defensive ဖြစ်ပြီး၊ နအဖရဲ့ အမ်အယ်ဒီအပေါ်မှာ တောက်လျှောက်ကျင့်သုံးလာခ့တဲာကတော့ containment ဖြစ်ပါတယ်။ အန်အယ်ဒီကို မတရားအသင်းကြေငြာပြီး အပြီးသတ် roll back လုပ်လိုက်တ့အဲ ခါမှာ မြေအောက်ဆင်းသွားပြီး လူထုတော်လှန်ရေးကို trigger လုပ်လိုက်သလိုဖြစ်သွားမှာစိုးတာရယ်၊ အန်အယ်ဒီရှိနေခြင်းအားဖြင့် စစ်ခေါင်းဆောင်အချင်းချင်းကွဲပြားမှုအပေါ်မှာ အန်အယ်ဒီကို ဘုံ ရန်သူထားရှိပြီး မကွဲအောင်ထိန်းထားဖို့ရယ်၊နိုင်ငံတကာကလက်ခံလာနိုင်မယ့် ရွေးကောက်ပွဲတခု အခြေအနေအကြောင်းကြောင်းကြောင့်မလုပ်နိုင်သေးခ့တဲာအတက်ွရယ်ကြောင့် အန်အယ်ဒီအပေါ်မှာ containment strategic doctrine ကိုအသုံးပြုနေခ့တဲာဖြစ်တယ်။ နောက်ပြန်ပြီး compromise strategy ကိုသွားဖို့နအဖမှာအစီအစဉ်မရှိနိုင်ပဲရှေ့ဆက်တက်တဲ့ rollback strategy အလုံးစုံချေမှုန်းရေးကိုသာ အစီအစဉ်ရှိနိုင်ပါလိမ့်မယ်။ ဒါကြောင့်အန်အယ်ဒီအနေနဲ့ compromise ထိုင်ပြီး တောင်းဆိုနေခြင်းဟာ ဖြစ်လာနိုင်ဖွယ်မရှိကြောင်းအမှန်တရားကို လက်ခံဖို့လိုအပ်နေပြီဖြစ်ပါတယ်။ ငြိမ်းချမ်းစွာနဲ့ တွေ့ဆုံဆွေးနွေးဖြေရှင်းရေးဟာမြန်မာပြည်အတကွ် အကောင်းမွန်ဆုံးသော solution ပါပဲ။ ဒါပေမယ့် Frederick the Great ဆိုခ့ဖဲူးတဲ့"Negotiations without arms are like music without instrument” ဆိုတာလိုပဲ ငြိမ်းချမ်းစွာနဲ့ထိပ်တိုက်ရင်ဆိုင်မတွေ့ပဲ ဒီမိုကရေစီတောင်းနေတာကို နအဖက အမှုတောင်ထားမှာမဟုတ်ပါဘူး။အခြားသောအတိုက်အခံများအပေါ်မှာတော့ နအဖက rollback strategy ကိုတောက်လျှောက်ကျင့်သုံးလာခ့တဲာဖြစ်ပါတယ်။ ဆင်ပြောင်ကြီးသွားတဲ့လမ်းကို ဒီလောက်ရှင်းနေရဲ့နဲ့ဒိုင်ယာလော့ခ်ပဲထိုင်အော်နေလို့ကတော့ ဘာမှဖြစ်လာမှာမဟုတ်ပါဘူး။ အော်သူများပဲအချိန်ကုန်ပါလိမ့်မယ်။ compromise လုပ်ရမယ်လို့ တချို့ ဆိုတတ်ကြပါတယ်။ compromiseဆိုတာက လက်ခုပ်နှစ်ဘက်တီးမှ မြည်လာမယ့် ကိစ္စပါ။ လက်ခုပ်မတီးချင်တဲ့ နအဖလက်ကိုအတင်းသွားဆွဲပြီး တီးနေလို့ကတော့ compromise မဖြစ်လာပဲ ခေါင်းပုတ်နှစ်သိမ့်ခံလိုက်ရတာပဲဖြစ်လာပါလိမ့်မယ်။ တပ်ဦးပါတီက defensive strategy ကိုသုံးလာတာ ရာစုနှစ်တွေ ချီနေပြီဖြစ်ပါတယ်။ဒီ doctrine က ကြာကြာသုံးတာများရင် offensive မလုပ်ရဲတော့ပဲဖြစ်တတ်ပါတယ်။ ဒါကိုနားလည်ပြီးအပြစ်တင်မှုမဟုတ်ပဲ confrontation အတွက် ၀န်းရံပေးခြင်း (သို့) ၀န်းရံရင်လဲ မထနိုင်ဖြစ်လာတဲ့အခါခဏနောက်ချန်ထားပြီး၊ လုပ်သင့်တာကို ဆက်လက်လုပ်ကိုင်သွားခြင်းများလုပ်ကြဖို့တပ်ဦးပါတီမဟုတ်တဲ့ အခြားသောအဖွဲ့ အစည်းများမှာ တာဝန်ရှိပါတယ်။
နိုင်ငံတကာအကူအညီဆိုတာမှာလဲ collective security ဆိုတဲ့ strategic doctrine အပေါ်မှာအခြေခံထားတဲ့ ယူအင်မှာ အားနည်းချက်တွေ အများကြီးရှိပါတယ်။ တနိုင်ငံချင်းစီကနေဆိုရာမှာလဲသူတို့ရဲ့ strategic doctrine တွေမှာ offensive strategy နည်းပါတယ်။ နိုင်ငံတကာဥပဒေများအရHumanitarian Intervention ဆိုတာဖြစ်လာဖို့ကလဲ အတော်ကို ခဲယဉ်းလှပါတယ်။ ဒီတော့ကျွန်မတို့အနေနဲ့ ကိုယ်ပိုင် strategic doctrine တခု ပိုင်ပိုင်နိုင်နိုင် ရှိနေဖို့လိုအပ်နေပါပြီ။ပြည်တွင်းလူထုတိုက်ပွဲကိုပြပြီး၊ နိုင်ငံတကာဝင်ပေးပါဆိုပြီး တောင်းဆိုမယ့် doctrine လား၊ယူအင်နဲ့ပြည်ပက ၀င်ရောက်စွက်ဖက်ပေးပါလို့ ထိုင်အော်နေမယ့် doctrine လား၊ နအဖကိုcompromise လုပ်ရမယ်ဆိုပြီး ခေါင်းပုတ်ကျောသပ်သွားခံမယ့် doctrine လား၊ လူထုတိုက်ပွဲနဲ့လက်နက်ကိုင်တော်လှန်ရေး တွဲစပ်ပြီး တော်လှန်ရေးအရှိန်ရောက်လာချိန်မှာ ခွဲထွက်ပူးပေါင်းလာမယ့်တပ်က လူတချို့နဲ့ ကြားဖြတ်အစိုးရဖွဲ့စည်းပြီး ဒီမိုကရေစီလမ်းကြောင်းပေါ်သွားမယ့် doctrine လား။ပိုင်ပိုင်နိုင်နိုင် ရွေးချယ်ဆုံးဖြတ်ကြဖို့ လိုပြီဖြစ်ပါတယ်။ ရန်သူ့အခြေအနေကြည့်ပြီး flexible response သုံးမည်ဆိုလျှင်လဲ လိုအပ်သည့် အဆင့်များကို ဖော်ထုတ်သင့်ကြပြီဖြစ်ပါတယ်။
နိဂုံးချုပ်ဆိုရရင် strategic doctrine ဟာ စစ်ရေး၊ စီးပွားရေး၊ နိုင်ငံရေးရာကိစ္စများမှာ အရေးပါလှသောကျောရိုးမဏ္ဍိုင်တရပ်ဖြစ်တာမို့ ရေရာတိကျသော strategic doctrine မရှိရင် တိုက်ပွဲဖော်ဆောင်မှုနဲ့နည်းဗျူဟာများဟာ ပြန့်ကျဲနေပြီး၊ ပစ်မှတ်ကို မထိရောက်နိုင်ပဲဖြစ်တတ်ပါကြောင်းရေးသားလိုက်ရပါတယ်။
တော်လှန်ရေးသစ္စာဖြင့်။
ခင်မမမျိုး (၁၊ ၁၀၊ ၂၀၀၈)
Subscribe to:
Post Comments (Atom)
0 comments:
Post a Comment