ဆင်ချည်တဲ့ကြိုး
Friday, October 09, 2009
မခိုင်မာတဲ့ စိတ်ဓာတ်နဲ့
လမ်းတောင်မှန်မှန်မလျှောက်တတ်ရင်
ငါထင်တယ်
စိတ်ကူးယဉ်အိမ်မက်ကို
လက်နဲ့လိုက်ဖမ်း
အရမ်းလွမ်းဖို့ကောင်းပြီပေါ့…..
ဘယ်လိုဦးတည်ချက်
ဘယ်လိုရည်ရွယ်ချက်တွေနဲ့
ငါ့ရင်ခွင်အောက်မှာ
မင်းတို့အတူလျှောက်ခဲ့ကြတာလဲ
ရဲရဲသာအဖြေပေး
ငါ့ရှေ့ရေးကို
ငါ…….
အရမ်းရင်လေးလွန်းလို့
မင်းရဲ့ပန်းတိုင်
ငါ့ရဲ့ပန်းတိုင်
အားလုံးရဲ့ ပန်းတိုင်
ယိမ်းယိုင်တဲ့ခြေလှမ်း
မညီမညာလှမ်းနေသမျှ
ဖြတ်ကျော်ရမယ့်ခရီးလမ်း
မုန်တိုင်းကကြမ်းထန်
ရေဆန်မှာတက်ကိုစမ်း
လှိုင်းကြမ်းမှာလှေကိုစီး
ရွှေခရီးမဟုတ်သလို
ညီညာဖြောင့်တန်း
ပန်းခင်းလမ်းလည်း မဟုတ်ဘူး…..
တယောက်ကိုတမျိုး
အချင်းချင်းလက်ညှိုးထိုးပြီး
ငါ့လှေငါထိုး
ပဂိုး(ပဲခူး)ပဲရောက်ရောက်
စည်းဖေါက်တဲ့အင်အား
တစ်ဖက်ကဆွဲစားသွားပေါ့
လျှော့တော့မတွက်နဲ့ဟေ့
ကောက်ကျစ်တဲ့အတွေး
မြေခွေးက `အဖေ´ ခေါ်လောက်အောင်
မျှော်တော်ရောင်ပတ်ပျိုးနဲ့
အမျိုးမျိုးကလိန်ကျ
မင်းတို့….
မယုံမိကြစေနဲ့။
ဟိုကိုမျှော်
ဒီကိုမျှော်
ဟိုလိုအော်၊ ဒီလိုအော်နဲ့
မင်းတို့တတွေ
ဘာတွေကိုမျှော်မှန်း
ဘယ်သူ့ကိုတမ်းတနေကြသလဲ…..
ငါဘာလဲ
ငါဘယ်လဲ
မင်းတို့ပဲရဲရဲဆုံးဖြတ်
အားလုံးရဲ့အနာဂတ်ကို
လှလှပပ
ရေးတတ်ကြဖို့တော့လိုတယ်……
ဟိုတကွဲ
ဒီတစု
စုစည်းမှုမရှိဘဲနဲ့
ဘယ်သမိုင်း
ဘယ်ရာဇဝင်မှာ
အာဏာရှင်အတွင်းသရုပ်
အမြစ်ဖြုတ်နိုင်ခဲ့သလဲ
လေထဲမှာတိုက်ဆောက်
ရေပေါ်မှာအရုပ်ရေး
လွယ်လွယ်လေးရမယ်ဆိုရင်
သွေးတွေ ..
အသက်တွေ စတေး..
နံရံလေးဖက်ကြားက
ပေးဆပ်မှုတွေအများကြီး
အချီးအနှီးဖြစ်တော့မပေါ့။
ထူထား
ရပ်ထား
မတ်ထား
လဲတော့ကျမသွားနဲ့
တွေဝေတဲ့စိတ်ဓာတ်အမြစ်ဖြတ်
ခိုင်မာတဲ့ဇွဲသတ္တိ
မြဲမြဲမြံမြံရှိ
အဲ့ဒါဟာ
သမိုင်းကပေးတဲ့ သတိပဲ….
တလှေတည်းစီး
တခရီးတည်းသွား
သူမှားမှား
မင်းမှန်မှန်
ညီညွတ်မှုကိုအခြေခံပြီး
အနာဂတ်ရဲ့
ရှေ့ဆက်ရမယ့် ခရီး
မင်းတို့
သွေးနီးမှဖြစ်မယ်…..
ဆရာဇော်ဂျီရဲ့
ဗေဒါလမ်းကဗျာမှာ
`လတာ´ ပင်ခြေရင်းက
ဗေဒါပန်းရိုင်း….
လှိုင်းပုတ်ပုတ်
အုန်းလက်ကြွေကြွေ
ဒီရေတွေပဲဖုံးဖုံး
ပြုံးပြုံးလေးနဲ့
မျှောခဲ့တလီ
ပေါ်ချီတလှည့်
မြုတ်ချီတခါ
တရာ၊ နှစ်ရာဘဲအုပ်ကြားမှာ
ယက်လိုယက်
ကန်လိုကန်
ဗေဒါပျံကတော့အံကိုခဲ
ပန်းပန်လျှက်ပဲ တဲ့….
ကဲ
အသက်နှစ်ဆယ်တစ်
ငါ့အသက်ပြည့်မြောက်တဲ့နှစ်မှာ
မင်းတို့ရေးခြစ်မယ့် အနာဂတ်
စိတ်ဓာတ်စွမ်းအားမြင့်မားပါစေ
တွဲလက်ညီဆဲခိုင်မြဲပါစေ
ဘယ်သူတွေရိုက်ချိုးရိုက်ချိုး
ဆင်ချည်တဲ့ကြိုးပေါ့
ဒါပေမယ့်
ခွေးတိုးလို့တော့
မပြတ်စေနဲ့ဟေ့…..။
နောင်ရိုး(ရွှေတည်)နေ့ သစ်မှ
(၂၇.၉.၂၀၀၉ နေ့ ၂၁ နှစ်မြောက် အမျိုးသားဒီမိုကရေစီအဖွဲ့ချုပ် နှစ်ပတ်လည်အထိမ်း အမှတ်အခမ်းအနား ကဗျာပြိုင်ပွဲ၌ ပထမဆုရကဗျာ)
0 comments:
Post a Comment